لتجعلي شعرك كلحرير

السلام عليكم و رحمة الله و بركاته

اليوم جبت واحد الوصفه تخلي شعرك حرير و على حسابي حيت ما درت الموضوع حتى جربتها هادي اول مره و حصلت على نتائج جددد مرضيه و قلت كيف ما تنفعت بيها نفع بيها خواتاتي خديت هاد الوصفه من واحد المنتدى اللي حطات الموضوع الله يجازيها بخير بغات تحماق على النتيجة و قالت ان شعرها ولا حريييييير و فعلا زوينه بزااااف نقول ليكم المقادير

بالنسبه للشعر القصير :

-2 معالق زيت قشور الموز " غادي نوريك كيفاش تصاوبيه"

-2 معالق زبده مدوبه

-"انا زدت شويه ديال زيت اركان لا ماكانش بلاش زدتو من عندي"

بالنسبه للشعر طويل

الى ضاعفتي غادي يشيط يعني ديري غير 3 معالق

**المهم نخلط المقادير و نديروهم للشعر حتى يصبح مبلل كامل

** نشدو فوطا و نديروها فالما سخون و نعصروها و نديروها على راسنا

من بعد ساعتين نغسلو الشعر عادي بالشامبو بالنسبة ليا كايعجبني GLISS و درت الماسك ديالو وافق ليا شعري

من بعد خليه ينشف و منين يقرب ينشف ديري شويه ديال زيت قشور الموز و ردي عليا الخبار

مقادير زيت قشور الموز

-2 قشور الموز

-كأس زيت عاديه

نديروهم فوق عافيه مهيله حتى يبان لينا ان القشور ديال الموز ولاو كحلين و كارمين و نحيدوهم و بالصحه زيت قشور الموز

جربوها ما غاديش تندمو و ردو عليا الخبار نزيدكم قشور الموز لقاو فيهم ماده من مكونات خلايا الدماغ و اللي هي "اليسراتونين"

موضوع رائع

سلمت اناملكي يامبدعههةة