پاريس (فرنساوى: Paris, نطق: [paʁi]) هى عاصمة فرنسا و اكبر مدنها, و موجوده فى شمال فرنسا في قلب منطقة إيل دو فرانس على نهر السين. و عدد سكان پاريس حوالى 12 مليون شخص,[1] و هى واحده من أكتر المناطق الحضرية فى عدد السكان فى أوروبا.[2]
پاريس مدينه مهمه لأكتر من ألفين سنة دلوقتى, و واحده من المدن الرائدة عالميا فى قطاع الأعمال والمراكز الثقافيه, و تأثيرها فى السياسة, والتعليم, والترفيه, و وسائل الإعلام, و الأزياء و الموضه, والعلوم والفنون خلتها واحدة من اكبر و أشهر المدن العالميه.[3]. و حسب تقديرات 2005, پاريس الحضرية هى أكبر مدينة في أوروبا فى الاقتصاد,[4] و خامس مدن العالم فى الناتج المحلى الإجمالى.[5]
منطقة پاريس, أنتجت ناتج محلى 731.3 مليار دولار من دولارات الولايات المتحدة, أكتر من ربع الناتج المحلي الإجمالي لفرنسا سنة 2007.[6] و تستضيف nمنطقة پاريس 37 شركة من لستة فورتشن لأكبر 500 شركة عالمية.[7] و فيها مقر كتير من المنظمات الدولية زى اليونسكو, ومنظمة التعاون الاقتصادي والتنميه في الميدان الاقتصادي, غرفة التجارة الدولية و المنظمه اللى مش رسميه نادى پاريس.
پاريس واحده من أشهر الأماكن السياحية في العالم, بيزورها أكتر من 30 مليون شخص كل سنة.[8] و فيها معالم كتير متميزة و مناطق جذب مشهورة عالميا و كمان المؤسسات الشعبية والجناين العامة. اتعرفت پاريس باسم ”عاصمة النور“ عشان مكانتها الثقافيه. متحف اللوڤر اللى بيضم مجموعة قيمه و كبيره من التحف والأثار المصريه من أشهر متاحفها. ميدان الكونكورد من أكبر ميادين پاريس و بتتوسطه مسله مصريه ضخمه أهدتها مصر لفرنسا عشان جهود علمائها فى المصرولوچيا.
المحتويات
1 أصل كلمة پاريس
2 التاريخ
2.1 بدايات
3 صور
4 مصادر
أصل كلمة پاريس
اسم پاريس بالفرنساوى بتتنطق [paʁi] و بالانجليزى بتتنطق /ˈpæɹɪs/ جاى من سكانها, القبيلة الجولييه المعروفة. Parisii كان اسم المدينة لوتيتيا و الاسم الرسمى كان لوتيتيا پاريسيوريام خلال فترة الاحتلال الرومانى فى القرن القرن الساتت, بس في عهد جوليان المرتد (360-363) إتسمت مدينة پاريس.[9]
التاريخ
بدايات
أئدم العلامات الأثريه على سكن ناس دايم فى منطقة پاريس من حوالى سنة 4250 أبل الميلاد.[10] لكن تأسيس باريس فى مكانها كان حوالى 250 أبل الميلاد على إيد قبيله سلتيك إسمها پاريسى على الجزيره الصغيره اللى مبنى عليها دلوأتى وزارة العدل و قاعة البلديه و كنيسة نوتردام دى باريس
موضوع: باريــــــــــــــــــــــــس 
